Неодамна на Интернет се појавија фотографии на еден од синовите на Моамер Гадафи, Ханибал Гадафи и неговата сопруга.
Ханибал е четврти по ред син на симнатиот либиски лидер, а фотографиите прикажуваат како тој и неговата сопруга Алин уживаат во луксузот и раскошниот живот. Сликите биле пронајдени на лап топ во нивниот дом, а некои од нив се со порнографска содржина и не се објавени, тврди “Франс прес“.
Додека неговиот татко го угнетувал својот народ, Ханибал со поранешната манекенка за долна облека, уживал во сите благодети на богатиот живот.
Парот навечер се забавувал во ноќни клубови, а преку ден се сончале и уживале на егзотични плажи и пловеле со јахта. Цело време биле опкружени со големо количество алкохол, а своите болни желби ги покажувале често пати кога се изживувале над својата послуга.
Во Женева во една прилика Ханибал нападнал член на персоналот во хотелот во кој престојувале со закачалка и со ремен, додека неодамна ја повреди и својата дадилка.
Ханибал ја претепал и Алин, додека била бремена, па така во Франција е осуден на четири месеци условна казна. Во Лондон, пак, пред две години полицијата ја пронајде во хотелска соба со скршен нос, но таа молчела и не го предала Ханибал, очигледно заради луксузот што и’ го овозможува нејзиниот 36-годишен сопруг.