Сирт, 20 октомври 2011 (МИА) - Седум борци од Националниот преоден совет беа убиени и 95 се ранети во судири во Сирт кога силите на новите власти извршија удари врз последното упориште на Моамер Гадафи.
Командантот на НПС Али ел Рикаби изјави дека во предградие на Сирт вчера имало размена на оган од автоматско оружје и минофрлачи. Само уште едно предградие на Сирт е во рацете на сили лојални на Гадафи откако синоќа било заземено предградието Долар.
Шефот на преодната влада Мустафа Абдел Џалил изјави дека новите власти ќе ги обесштетат борците кои помогнаа во симнувањето од власт на Гадафи.
- Семејствата на загинатите, повредените и борците ќе бидат обесштетени, изјави тој во Бенгази. Во судирите од февруари досега загинаа повеќе од 25 илјади луѓе.