Триполи, 21 октомври 2011 (МИА) - Либиските власти ќе го погребаат Моамер Гадафи на тајно место, соопшти телевизијата „Ал Арабија“.
Претставник на Преодниот национален совет (ПНС) рече дека поранешниот либиски лидер бил убиен при вооружен судир меѓу негови приврзаници и борци од ПНС по неговото фаќање.
Претставникот, кој побара анонимност рече дека не е издадена специјална наредба за ликвидирање на Гадафи и оти тој не е застрелан намерно.
Изворот додаде дека Мутасим, еден од синовите на Гадафи, исто така е убиен и оти телото му е одведено во Мисрата. Според претставникот на ПНС нема други податоци, дали Сеиф ал Ислам - другиот син на Гадафи - е фатен или убиен.
