Каиро, 23 ноември 2011 (МИА) - Мохамед ел Барадеј, поранешниот шеф на Меѓународната агенција за атомска енергија и кандидат за претседателските избори во Египет, ги осуди убиствата на плоштадот Тахрир во Каиро, пренесуваат француските медиуми.
Во пораката на Твитер Ел Барадеј напиша дека употребата на солзавец и боева муниција врз демонстрантите на плоштадот е еднакво на вистинско колење.
На вчерашниот четврти ден од протестите и судирите во Египет, во дел од плоштадот во центарот на Каиро, Високиот воен совет одржа советување со претставници на неколку политички партии.
Советот на средбата ја разгледа можноста за назначување на Ел Барадеј за нов премиер на Египет, забележуваат француските медиуми, повикувајќи се на воен извор.
Официјално оваа информација не е потврдена од властите.
Владата на Египет во понеделникот поднесе оставка.
Во протестите и судирите низ земјата за четири дена загинаа приближно 30 лица.