Техеран, 20 февруари 2012 (МИА) - Иран не сака да има проблеми во односите со ЕУ, изјави денеска иранскиот министер за надворешни работи Али Акбар Салехи.
- ЕУ треба да знае дека Иран е солиден партнер и еден од нашите приоритети е да имаме најдобри односи со Унијата, ослободени од тензии, истакна Салехи на прес-конференција во Техеран.
Тој и порача на ЕУ да не ги пропушта можностите да го има Иран за партнер, без да навлегува во детали.
Засега не се знае дали Техеран веќе го прекинал извозот на нафта за британски и француски компании, како што соопшти во саботата.