Москва, 22 февруари 2012 (МИА) - Русија го предупреди Израел да не го напаѓа Иран поради неговата нуклеарна програма, нагласувајќи дека евентуални воени дејствија можат да имаат катастрофални последици.
- Се разбира дека секое воено сценарио против Иран ќе биде катастрофално за регионот и за целиот систем на меѓународни односи. Затоа се надевам дека Израел ќе ги разбере сите овие консеквенци, а исто така и ќе го согледа последиците врз себе во случај на вакви дејствија, истакна на прес-конференција рускиот заменик министер за надворешни работи Генади Гатилов.
Тој нагласи дека повиците во САД за создавање забранета зона за летови над Сирија е отворен поттик кон насилно сценарио, што е целосно неприфатливо.