Вашингтон, 13 март 2012 (МИА) - Белата куќа денеска соопшти дека во моментот не ја разгледува опцијата за вонредно повлекување на американските војници од Авганистан, по масакрот кога еден американски војник уби 16 авганистански цивили.
- Белата куќа во моментот не ја разгледува опцијата за повлекување на трупите и никаква одлука не е донесена. Како што кажа претседателот (Барак Обама) ние ќе ги вратиме дома вкупно 23.000 војници до следното лето, истакна портпаролот на Белата куќа, Томи Вијетор.
Тој додаде дека Обама ќе ја донесе одлуката за понатамошното темпо на повлекување во „соодветен момент врз основа на американските интереси и во консултација со сојузниците и властите во Авганистан“.