Околу 1.000 Пакистанки се убиени поради валкање на честаИсламабад, 22 март 2012 (МИА) - Најмалку 943 пакистански жени и девојки се убиени минатата година бидејќи ја извалкале честа на семејството, соопшти денеска Комисијата за човекови права на Пакистан.
Статистиката покажа пораст на насилството на кое се изложени многу жени во оваа конзервативна муслиманска земја каде често се третираат како граѓани од втор ред и каде не постои закон против семејното насилство.
И покрај напредокот во подобра заштита на човековите права, активистите на Комисијата сметаат дека Владата треба да направи повеќе и судски да ги гони убијците во случајите кои во голем број полицијата ги отфрла, а ги оценува како приватни, семејни работи.
- Најмалку 943 жени се убиени поради одбрана на семејната чест, а од тој број 93 лица биле малолетни, пишува во годишниот извештај на водечката агенција во Пакистан за заштита на човековите права.
Околу 595 жени убиени лани се обвинети дека имале „незаконски врски“, а 219 зошто се омажиле без согласност.
Некои од жртвите се силувани одделно или групно, пред да бидат убиени, наведува Комисијата.
Повеќето од жените се убиени од браќата или брачниот партнер. Само 20 од 943 убиени жени добиле лекарска помош пред да починат, се наведува во извештајот.
|