Американската управа за океани и атмосфера во јавност пушти фотографија која детално ги прикажува последиците од супер бурата Сенди на крајбрежјето на Њу Џерси.
Освен што бурата Сенди ги промени животите на голем број граѓани од американското источно крајбрежје, го промени и изгледот на самото источно крајбрежје што докажуваат и фотографиите снимени од воздух, јави НАСА.
Првата фотографија е направена во 2007 година на висина од 2, 3 километри, а прикажува дел од крајбрежјето на Њу Џерси. Другата го прикажува истото место, но снимена е по бурата Сенди. Двете фотографии се направени од американската Управа за океани и атмосфера.
Разликата помеѓу фотографиите е повеќе од очигледна. Голем дел мостот Мантлукинг е под вода, песок и остатоци од разрушените куќи. Мостот денес е затворен бидејќи градските власти сметаат дека по бурата истиот станал нестабилен и небезбеден. Освен мостот, во бурата настрадаа и голем број куќи, некои се отсечени, а некои беа сосема уништени од водата и ветрот, па дури беа и искорнати од темел.