Најроби, 23 септември 2013 (МИА) – Кениските власти соопштија дека ситуацијата во трговскиот центар во кој екстремисти држат заложници, е под контрола и тие продолжуваат со акциите против напаѓачите.
Претходно околу трговскиот центар Вестгејт во Најроби беа регистрирани експлозии и рафали од автоматско оружје.
Кенискиот министер за внатрешни работи Оле Ленку изјави на прес конференција дека речиси сите заложници се ослободени и силите за безбедност ги контролираат сите спратови на центарот.
Целата зграда е опколена од полиција.
Според него, сите терористи се мажи.
- Во нападот врз трговскиот центар учествувале 10-15 вооружени мажи. Екстремистите предизвикале пожар кој набрзо ќе биде локализиран, додаде министерот.