Каиро, 11 април 2014 (МИА) - Двајца членови на исламистичката организација Муслиманско братство се убиени денеска во престрелка со безбедносните сили во Делтата на Нил, северно од Каиро.
Загинатите биле дел од група која отворила оган врз полициските сили на патот меѓу градовите Танта и Махала ал Кубра во провинцијата Гарбија.
Групата, исто така, се обидувала да го запали контролниот пункт на сообраќајната полиција.