Страшната сообраќајна несреќа која се случи во близина на Сакраменто, каде се судрија камион на Fedex и училиштен автобус, ја зави Америка во црно. При несреќата починаа 10 лица, а најмалку 36 се повредени.
Џонатан Гутјерез (17), кој е еден од преживеаните во несреќата го сподели ужасното искуство низ кое што поминал за време на несреќата.
-Спиев во автобусот кога ме разбудија сцени од пеколот од кои веднаш се обидов да побегнам, изјави Гутјерез кој пред себе гледал како неговите пријатели горат живи во пламените јазици. За среќа тој помина само со модринки по нозете и исеченици на лицето.
Во трагедијата загинаа возачите на двете возила, три возрасни личности и 5 млади кои тргнале во посета на кампусот кој што се наоѓа во близина.