Необичен феномен веќе подолго време се случува во малото село Калачи во Казахстан. Повеќе од 30 луѓе боледуваат од мистериозна болеста која ги тера на спиење, а откако ќе се разбудат не се сеќаваат на ништо што се случило.
-Одеднаш заспивам и се заборавам. Не се сеќавам како сум дошол во болница, никој не знае што го предизвикува, вели еден од жителите.
Повеќето од луѓето кои живеат во селото веруваат дека епидемијата на спиење им се случува поради трите неактивни рудници на ураниум кои се наоѓаат во близина. Сепак, тестирањата на водата, воздухот и почвата не покажуваат никаква радијација.
Првиот случај на спиење е забележан во март минатата година кога 8 луѓе заспале во времетраење од 3 дена и кога се разбудиле не се сеќавале на ништо. Тогаш случајот е затворен со објаснување дека станува збор за алкохоличари, но сега се пријавени нови 36 пациенти со истите симптоми кои се на возраст од 2 до 75 години.
Болните чувствуваат слабост, имаат вртоглавица, се онесвестуваат, а во некои случи добиваат и халуцинации.