Австралија испраќа подморница во потрагата по исчезнатиот малезиски авион

Перт, 14 април 2014 (МИА) - Бродот на австралиската морнарица што ја предводи потрагата по исчезнатиот малезиски авион ќе испрати под вода мини-подморница што е можно побрзо, изјави началникот на Центарот за заедничка координација на потрагата и поранешен командант на вооружените сили на Австралија, Ангус Хјустон.

- Бродот „Океански штит“ денеска ќе престане со пребарување на океанот со помош на локаторот на сигнали и на негово место што е можно побрзо ќе биде ангажирана мини-подморницата „Блуфин-21“, изјави Хјустон.

Последнот сиганал од црната кутија на исчезнатиот малезиски авион „Малезија ерлајнс“ е регистриран пред шест дена.

- Веќе шест дена немаме регистрирано никаков сигнал, поради што претпоставувам дека е време да се спуштиме под морското ниво, изјави Хјустон на конференција за новинари во Перт.