Манагва, 14 април 2014 (МИА) - Трет земјотрес во изминатата недела, денеска го погоди главниот град на Никарагва, Манагва. Засега нема информации за предизвикана материјална штета и жртви.
Сеизмолошкиот центар на Никарагва соопшти дека најновиот потрес бил со јачина од 5,6 степени по Рихтер, а епицентарот се наоѓал релативно блиску до површината на земјата, поради што бил силно почувствуван.
Според податоците на американскиот Геолошки институт, епицентарот се наоѓал на околу шест километри северозападно од Манагва, на длабочина од 14 километри.
Никарагва изминатата недела ја погодија два земјотреси, во четврток и петок. Петочнниот потрес, со интензитете од 6,6 степени по Рихтер бил полувствуван во Ел Салвадор и Костарика.