Њу Делхи, 15 април 2014 (МИА) - Врховниот суд на Индија го призна постоењето на „трет пол“, кој не е ниту женски, ниту машки, со што транссексуалците го добиваат истиот степен на заштита на нивните права, како и традиционалните два пола.
- Тоа не е социјално или медицинско прашање, туку е прашање на човековите права, изјави еден од судиите.
Случајот за кој расправаше Врховниот суд е од 2012 година и е поднесен од група активисти за човекови права, предводени од Лакшми Нарајан Трипати, кои е познат индиски поборник за правата на евнусите и транссексуалците.
- Првпат денеска сум горд, што сум Индиец, изјави Трипати.
Индискиот Врховен суд во декември сепак одби да ја декриминализира хомосексуалноста.
Постоењето на „трет пол“ беше признато од Австралија на почетокот на месецот. Германија и Непал исто така дозволуваат во графата за пол на личните документи да се напише X, со што се означува неутрален пол.