Укината единицата за шпионажа на муслиманите во ЊујоркЊујорк, 16 април 2014 (МИА) - Њујоршката полиција соопшти дека ја расформирала контроверзната и многу критикувана единица која испраќала свои тајни агенти да ги шпионираат локалните муслимани.
Групите за граѓански слободи го поздравија тој потег, но ги повикаа њујоршките власти да утврдат колку штета е нанесено од неправедното шпионирање засновано исклучиво на верски причини.
Одлуката на најголемите полициски сили во САД е прв знак дека новиот комесар Вилијам Бретон напушта некои од начините на собирање на податоците на своите претходници, а применувани по терористичките напади во Њујорк на 11 септември 2001 година, кога се урнати зградите на Светскиот трговски центар.
Полицијата во вторникот соопшти дека полициската единица, наречена и Демографска, од јануари била многу неактивна и оти нејзини припадници сега се распоредени на други должности.
|