Пекинг,16 април 2013 (МИА) - Рускиот министер за надворешни работи Сергеј Лавров се наоѓа во посета на Кина. Во официјалното соопштение за посетата се вели дека главна цел на неговиот престој во Пекинг се разговорите со кинеските домаќини, околу подготовките за посетата на рускиот претседател Владимир Путин на Кина,предвидена за идниот месец.
Лавров во Пекинг беше примен и од кинескиот претседател Кси Џинпинг со кого станало збор за состојбата на руско-кинеските односи,но и за ситуацијата во и околу Украина.
Од кинеска страна на Лавров му биле пренесени позициите на официјален Пекинг за украинската криза додека рускиот министер се заблагодарил за позицијата на Кина кон сегашните случувања во Украина и притоа рекол дека односите меѓу двете соседни земји се на „досега незабележано високо ниво“.
Аналитичари во Пекинг проценуваат дека односите меѓу двете земји може набргу уште повеќе да напредуваат и како причина за тоа се посочува украинската криза и остриот судир на Русија си САД и со ЕУ. Во досегашните јавни изјави,Кина настојуваше да остане непристрасна,имајќи разбирање за руските ставови,но и не сакајќи да се предизвика гнев на Западот.