САД запленија кокаин во вредност од над сто милиони долариМајами, 16 април 2014 (МИА) - Американската крајбрежна стража соопшти дека запленила вчера во пристаништето Мајами, во американската сојузна држава Флорида, 3,3 тони кокаин во вредност од 110 милиони долари.
Дрогата била конфискувана во две операции во Карипското Море.
Ова е една од најголемите запленети количини во регионот, изјави Марк Барни од американската крајбрежна стража.
Дрогата, која пристигна во пристаништето Мајами, беше предадена на федералната полиција.
Во првата операција, јужно од Јамајка агентите откриле вреќи, со кокаин како пловат во водата во близина на место, на кое се врши риболов.
Втората операције е откриена во море меѓу Колумбија и Никарагва. Американските морнари успеале да го запрат бродот, кој бил натоварен со 900 килограми дрога.
|