Побарано апсење на капетанот на потонатиот јужнокорејски траектСеул, 18 април 2014 (МИА) - Јужнокорејското Јавно обвинителство денеска побара издавање судски налог за апсење на капетанот на фериботот, што се преврти пред два дена во близина на брегот на Јужна Кореја, при што загинаа најмалку 28 лица, а околу 270 и натаму се водат како исчезнати.
Покрај капатанот, Обвинителство побара апсење и на уште двајца други членови на екипажот на траектот.
Обвинителството ја испитува претпоставката дека до трагедијата дошло кога траектот нагло завртил, при што бродот се навалил повеќе од дозволеното и потоа се превртил. Покрај ова, се испитува и дали постапката за евакуација на патнците била спроведена навремено и согласно правилата.
Спасувачките екипи досега открија 28 тела на удавени патници на бродот, а и натаму трагат по околу 270 исчезнати. Досега, според официјалните податоци, се спасени 179 лица.
Поголемиот дел од патниците на траектот биле средношколци.
|