САД ги предупредија своите граѓани да не патуваат во Израел, Западниот брег и Газа Вашингтон, 22 јули 2014 (МИА) – САД ги предупредија своите граѓани да избегнуваат да патуваат во Израел, Западниот брег и Појасот Газа поради судирите во регионот.
Американскиот Стејт департмент објави дека препорачува американските граѓани да размислат за одложување на своите патувања за Израел и Западниот брег и го потврди долготрајното категорично предупредување да не патуваат во Појасот Газа.
Ситуацијата во однос на безбедноста останува сложена во Израел, на Западниот брег и во Газа и американските граѓани требa да бидат целосно свесни за ризикот, што претставуваат патувањата во овие области поради сегашниот конфликт меѓу Израел и Хамас, се наведува во соопштението.
Стејт департментот ги советува Американците што веќе се наоѓаат во Израел, да ги избегнуваат областите во близина на Газа, поради ракетните напади од Хамас, пренесува ДПА.
|