Опозиционерите од Камбоџа, по една година бојкот, се враќаат во парламентотПном Пен 22 јули 2014 (МИА) – Најголемата камбоџанска опозициска партија, Нацоналната Партија на Спасот, по речиси едногодишен бојкот на Парламентот, денеска одлучи да го прекине бојкотот. По состанокот со премиерот Хун Сен, лидерот на опзиционерите Сам Рејнси изјави дека постигнал договор за измена на изборните закони.
Коментирајќи го договорот со опозицијата, премиерот Хун Сен рече дека тоа е успех кој ќе ја запре политичката криза во земјата.
На последните парламентарни избори во Камбоџа, партијата на Хун Сен освои 68, а опозиционите „спасители’’ 55 пратенички места. Опозицијата ги прогласи изборите за фалсификувани и побара нови, што би ги организирала техничка влада. Хун Сен категорички ги одбива овие барања, а го прифати барањето за измени во изборниот закон во кој, најверојатно, ќе се внесат одредби уставни судии и членови на централната изборна комисија да се бираат со двотретинско мнозинство во Парламентот.
|