Газа, 1 август 2014 (МИА) - Утринава, во 8 часот по локално време, во Појасот Газа влезе во сила 72-часовен прекин на огнот, договорен на 25-от ден од разурнувачката војна меѓу израелската армија и исламистичкото движење Хамас, пренесоа француските медиуми.
Примирјето, кое пред се има хуманитарна цел, е првото прифатено од двете завојувани страни од почетокот на борбените дејствија, на 8 јули.
На примирјето му претходеше двочасовен интензивен артилериски и ракетен напад, но во 8,00 часот звукот на војната замолкна во Појасот, соопштија француските известувачи од Газа.