Во несреќа во Бангладеш загинаа 10 лица, повредени 57Дака, 1 август 2014 (МИА) - Најмалку 10 лица загинаа, а 57 се повредени утрово кога воз удрил во преполн автобус кој превезувал гости за на свадба, западно од главниот град на Бангладеш, соопшти полицијата.
Возот „Симанта Експрес“ удрил во автобусот и го туркал околу 500 метри во градот Баробазар, во близина на граничниот премин на Бангладеш со Индија.
Според изјавата на полицискиот инспектор Мизанур Рахман, на местото на несреќата се пронајдени 10 тела, додека 57 лица се хоспитализирани, а некои од нив се во критична состојба.
Полицијата соопшти дека несреќата се случила на железничката рампа и дека е уапсен чуварот кој бил задолжен за безбедноста на рампата.
|