Багдад,20 август 2014 (МИА) - Џихадистите од исламистичката сунитска група Исламска држава (ИД),емитуваа на интернет видео снимка на која е прикажано убивањето американски новинар.
Станува збор за Џејмс Фоли,фриленс новинар кој беше заробен од исламистите во Сирија,пред крајот на 2012 година.
Во соопштението на џихадистите се вели дека убиството на Фоли,со отсечување на главата,е „одмазда за американското бомбардирање“ врз позициите на Исламска држава во Северен Ирак.
Засега нема независна потврда за јавната ликвидација на новинарот,ниту за оригиналноста на видео снимката.
Фоли е прикажан како коленичи,додека го држи еден од џихадистите кој е целосно маскиран за да не може да биде идентификуван.
Целата сцена,според сликата треба да означи дека се случува во пустински пејзаж,а исламистичкиот милитант кој го чита текстот што оди со снимката,зборува англиски јазик со британски акцент.
Видео снимката е означена како „Порака до Америка“ и таа треба да биде предупредување до САД за одмазничките акции против американските интереси и против Американци во регионот како одмазда за американското мешање во Северен Ирак.
Во тој дел од земјата, џихадистите на просторот што го имаат претходно освоено, настојуваат да созададат исламсистички калифат,откако ќе ги прогонат и ќе ги убијат ги сите кои живеат таму,а и репортер не се сунити-Јазидите,ирачките христијани и сите шиити.
Џејмс Фоли е подолго време присутен на Блискиот Исток,работејќи како известувач за разни весници и новински агенции,вклучувајќи ја и француската АФП.