Ерусалим, 21 август 2014 (МИА) - Сите дојдовни и појдовни летови на аеродромот „Бен Гурион“ во Тел Авив утрово се извршени според предвидениот редослед на летање, и покрај предупредувањето на военото крило на Хамас до меѓународните авиокомпании да не сообраќаат по шест часот наутро.
- Нема измени во редоследот на летање, ниту за авионите кои полетуваат, ниту за оние што слетуваат. Имаше само 10-минутно доцнење на летовите поради безбедносни причини, за кои не можам да откријам повеќе детали, изјави претставник на израелското цивилно воздухопловство.
Во меѓувреме, палестински претставници соопштија дека седум Палестинци, вклучувајќи четири деца, се убиени денеска при два нови израелски воздушни напади врз Појасот Газа.