Хамас призна дека ги киднапрал израелските тинејџери Рамалах, 21 август 2014 (МИА) - Висок претставник на Хамас изјави дека членови на исламистичкото движење ги киднапирале тројцата израелски тинејџери, чија смрт во јуни предизвика насилство што доведе до конфликтот во Појасот Газа.
За време на конференцијата на Меѓународната унија на исламистите во Истанбул, Салех ал Арури, претставник на Хамас од Западниот Брег кој живее во Турција, ги потврди израелските обвинувања дека исламистичкото движење стои зад киднапирањето на теинејџерите.
Тоа е прво признание за вмешаноста на Хамас во киднапирањето на израелските тинејџери.
Раководството на Хамас се уште не ја коментираше изјавата на Арури.
Двајца од Палестинците, кои Израел ги посочи како киднапери се уште не се уапсени. Третиот осомничен е уапсен и признал дека киднаирањето е финансирано од Хамас во Појасот Газа.
|