Денвер, 1 септември 2014 (МИА) - Пет лица загинаа при пад на мал авион, кој се урна покрај аеродром, северно од Денвер, соопшти американската Национална служба за безбедност.
Портпаролот на Службата изјави дека сите патници во авионот Piper PA-46, загинале.
На лице место животот го загубиле тројца од нив, а двајца биле одведени во болница, каде им подлегнале на повредите.
Причините за трагедијата не се познати.