Дамаск, 1 септември 2014 (МИА) - Жестоки судири меѓу сириската армија и бунтовниците денеска избија на Голанската Висорамнина во близина на границата со Израел, додека ОН се обидува да ги ослободи 44 мировници заробени од бунтовниците.
Една од гранатите паднала и на израелска територија во кибуцот Еин Зиван, нема повредени луѓе и причинета метеријална штета.
Борбите се водат во близина на преминот Кунеитра, кој бунтовниците го освоија минатата недела.
Бунтовниците поврзани со Ал Каеда ја освоија сириската страна на преминот во средата и киднапираа 44 мировници на ОН. Мисијата на ОН го надгледува прекинот на огнот на стратешката висорамнина од 1974 година.