Приштина, 1 септември 2014 (МИА) - Од прогласувањето на исламскиот Калифат, лидерот на ИДИЛ, Ал Багдади беше субјект на разни теории. Најпрво се тврдеше дека е агент на израелската тајна служба Мосад, a сега се тврди дека неговите родители биле Евреи.
Според извештај на „Ветеранс Тудеј“, на кој се повикува косовскиот портал Телграфи, Ал-Багдади е Евреин и неговото вистинско име е Елиот Шимон, кој бил обучуван од страна на израелски Мосад и американската ЦИА.
Поддржувачите на ИДИЛ, пак, тврдат дека неговото вистинско име е Ибрахим бин Авад бин Ибрахим Ал-Бадри, но оти е познат и под името Аву Дуа или Д-р Ибрахим.
Ал Багдади е неговиот воен псевдоним.
Ал Багдади е роден во 1971 година, а работел како учител и поседува титула доктор на науки. Познат е како изворедно добар познавач на исламската култура и шеријатот.
Некои информации говорат дека тој е оженет. Но за Калифот на самопрогласената исламска држава, Ебу Бекер Ел Багдани, или Калиф Ибраим, се тврди дека во минато бил голем боем, сакал жени и алкохол. Некои го сметаат за најмоќен терорист на светот, дури и повлијателен од Осама бин Ладен.
Багдади е првиот калиф на сите Муслимани по падот на Османлиската империја пред сто години. Калифатот , како што јавуваат косовските медиуми, забранил читање или пеење на Куранот во џамија, пред и после клањање, бидејќи било „бидат(новина) забранета во верата“.