Сан Антонио, 17 септември 2014 (МИА) – Претстојниот референдум за независност на Шкотска е позитивен знак на поддржувачите на кампањата за одделување на Тексас од САД.
Претседателот на Националното движење на Тексас Даниел Милер, кој се залага законодавниот орган на државата да го постави прашањето за одделување на Тексас од Вашингтон на гласање на државен референдум, го оцени шкотското гласање на 18 септември како позитивен сигнал.
- Ако Шкотска може да го направи тоа, тогаш може и Тексас, изјави Милер.
Според него Тексас, кој е најголем производител на говедско месо и нафта во САД, би бил 12. по големина економија во светот, пред Мексико и Шпанија.
Движењето за независност на Тексас се залага за независност на земјата од 90-тите години на минатиот век. Тексас има околу 27 милиони жители.