Сириските Курди тврдат дека ја спречиле офанзива на ИДБејрут, 22 септември 2014 (МИА) - Сириските Курди ја спречија офанзивата на џихадистите од Исламска држава (ИД), источно од градот Кобани, кој е главно населен со Курди и се наоѓа во близина на границата со Турција.
- Вооружените судири продолжуваат, но од синоќа е запрена офанзивата на ИД источно од Кобани, изјави Редур Кселил, портпарол на главната курдска вооружена група.
ИД од минатиот вторник започна офанзива врз Кобани. Десетици илјади сириски Курди побегнаа од реонот на судирите, а голем дел преминаа преку границата во соседна Турција.
Сирискиот центар за мониторинг на човековите права, со седиште во Лондон, потврди дека борците на ИД не извршиле никаква офанзива во последните 24 часа.
|