Бејрут, 23 септември 2014 (МИА) - САД и нивните сојузници денеска извршија најмалку 50 воздушни напади врз цели на Исламската држава (ИД) во сириските провинции Рака и Деир ал Зур, како и врз позиции на групата Фронт Ал Нусра во северозападниот дел од земјата, соопшти невладината организација Сириски центар за мониторинг на човековите права, со седиште во Лондон.
Според шефот на организацијата, Рами Абдел Рахман најмалку 20 џихадисти од ИД биле убиени во нападите.
Тој додаде дека воздушни напади биле извршени и врз позиции на Ал Нусра во провинциите Идлиб и Алепо во северозападниот дел на Сирија.