Џакарта, 20 октомври 2014 (МИА) – Рускиот министер за индустрија и трговија, кој ја предводеше делегацијата на неговата земја на денешното свечено полагање на заклетвата на новиот претседател на Индонезија Јоко Видодо, најави дека претседателот Путин наскоро ќе ја посети Индонезија, со цел да се зајакнат политичките и економските врски меѓу двете држави.
Индонезиската државна агенција Антара соопштува дека средбата Видодо – Путин ќе се оствари наскоро и ја пренесува пораката на рускиот претседател, споре која сега добрите политички односи треба да бидат следени и со значајно поголема економска и културна соработка меѓу двете држави.
Индонезија е еден од лидерите на движењето на неврзаните, а новиот претседател Видодо најави дека зајакнувањето на улогата на Индонезија во меѓународната политика е негов главен приоритет. Руската дипломатска и економска колонија во Џакарта е меѓу најбројните странски претставништва во таа држава, а економските односи, барем до сега, беа сконцентрирани на трговска размена.