Сеул, 22 октомври 2014 (МИА) - Поранешниот министер за надворешни работи на Кина, Танг Џиаксуан денеска во Сеул најави дека на почетокот на ноември во Пекинг ќе се одржи „важен состанок’’ меѓу кинескиот претседател Кси Џинпинг и претседателката на Јужна Кореја Парк Геун-хие.
Според проценките на аналитичарите во Сеул, двајцата претседатели ќе потпишат повеќе билатерални спогодби меѓу Кина и Јужна Кореја, но поважно од тоа ќе бидат разговорите за состојбите на поделениот Корејски Полуостров.
Кина е најзначајниот политички партнер и поддржувач на Северна Кореја, а нејзината дипломатија подолго време е директно вклучена во посредување за решавање на споровите меѓу Сеул и Пјонгјанг.
Јужнокорејанските електронски медиуми најавената средба на Парк со кинескиот претседател најчесто ја доведуваат во врска со можните преговори на високи државни и воени претставници на двете Кореи, чиј почеток се најавува за крајов на овој месец,
Како придонес на Сеул за нормализација на односите со Пјонгјанг се истакнува забраната на властите за пуштање балони со пораки од јужната кон северната држава на Полуостровот.