Париз, 24 октомври 2014 (МИА) - Минатата ноќ француски воени авиони уништиле 12 објекти во Ирак, во кои биле сместени арсенали со оружје на борците на групата Исламска држава, соопшти началникот на Генералштабот на француските Вооружени сили, генерал Пјер де Вили.
Авиони-ловци од типот „Рафал“ исфрлиле 70 бомби врз 12 објекти, уништувајќи ги целосно, изјави Де Вили, без да ги прецизира местата на нападот.
Франција беше прва земја која се вклучи во коалцијата предводена од САД, за спроведување на операцијата против бунтовниците од Исламската држава, но сега најави дека од овој месец ќе го зајакне интензитетот на воздушните напади во Ирак.
Освен во нападите и разузнувачките воени мисии, Франција е вклучена и во обука на локалните ирачки сили, како и во испорака на опрема на курдските милитанти во северниот дел на земјата.