Пентагон ќе испрати воени советници во АнбарВашингтон, 31 октомври 2014 (МИА) - Пентагон оцени дека е неопходно испраќање на американски воени советници во ирачката провинција Анбар, изјави генерал Мартин Демпси.
Тој истакна дека американските воени советници ќе бидат испратени во Анбар, но Багдад треба да обезебди оружје за сунитските племиња, кои ќе се борат против џихадистите од Исламска држава.
Џихадистите се во Анбар од почетокот на годината, но од јуни зазедоа нови територии. Пред неколку денови припадници на ИД егзекутираа 46 членови на сунитско племе, кое им се спротистави.
Во Ирак се испратени неколку стотина воени советници кои им помагаат на ирачката армија во борбата против ИД, но се уште нема ниту еден воен советник во Анбар.
|