Најмалку 15 луѓе загинаа во напади во близина на Багдад

Багдад, 31 октомври 2014 (МИА) - Најмалку 15 луѓе се убиени, а десетици се повредени во експлозии на неколку пазари во близина на Багдад, а истовремено безбедносните сили успеале да ја вратат контролата врз некои делови на стратешкиот сунитски град Беиџи. 

По синоќешните жестоки судири ирачките сили успеале да ги одалечат џихадистите од јужните делови на Беиџи. Овој град го зазедоа екстремистите на Исламска држава (ИД) на почетокот на јуни, но ирачките сили успеаjа да ја сочуваат рафинеријата на нафта.

Во експлозијата на сточниот пазар во багдатскиот дистрикт Сувеиб загинаа пет лица, а 13 се повредени, додека во нападот во трговската улица во дистриктот Радавни се убиени две лица, а деветмина повредени.

На пазарот во градот Мадајн, јужно од Багдад, при експлозија загинаа четири лица и 11 се повредени.

Експлозија избувна и на пазар во Јусифијан, 20 километри јужно од Багдад, каде четворица загинаа, а 10 луѓе се повредени.