Пјонгјанг со закани за засилување на воениот капацитет

Сеул, 20 ноември 2014 (МИА) - Северна Кореја соопшти дека има намера значително да го зголеми воениот капацитет во знак на протест од резолуција на ОН која осудува непочитување на правата на човекот во таа држава.

Комисијата за права на човекот на ГС на ОН, одобри во вторникот резолуција која го повикува СБ да го упати прашањето за тешката состојба со човековите права во Северна Кореја пред Меѓународен кривичен суд.

Пред гласањето пратеник од Северна Кореја упати закани за нуклеарна проба.

МНР на Северна Кореја објави денеска дека резолуцијата е „сериозна политичка провокација“ организирана од САД и оти воениот капацитет на Сверна Кореја ќе биде засилен на „неограничен начин“ за да се справи со непријателските повици од Вашингтон.