Токио, 21 ноември 2014 (МИА) - Јапонскиот премиер Шинѕо Абе денеска го распушти Долниот дом на јапонскиот Парламент, со цел вонредните избори да се одржат на 14 декември, само две години откако тој се врати на власт.
Абе се надева дека со предвремените избори ќе ја зајакне својата позиција, пред евентуално влошување на неговиот рејтинг, кој во моментов според некои анкети е под 40 проценти, но сепак е стабилен за јапонските стандарди.
Датумот на предвремените избори, ќе биде одреден официјално денеска на владина седница.
Абе дојде на власт со ветување да ја заживее економијата, но сомнежите во ефикасноста на неговата политика се засилија, откако статистиката покажа дека земјата западна во рецесија.