Најмалку 14 лица се повредени за време на експлозијата на гас која што се случи во хотелот „Hyatt Regency“ во Лондон. Експлозијата настанала во подрумот на хотелот и предизвикала делумно рушење на зградата.
Според BBC во акцијата биле вклучени околу 80 пожарникари кои веднаш излегле на терен и извршиле евакуација на 500 луѓе.
-Беше навистина напнато. Само што дојдовме дома и видовме многу луѓе кои седеа надвор. Улицата беше блокирана. Имаше огромна дупка во надворешниот ѕид на Hyatt, околу два метри висока и метар широка, вели очевидец на настанот.
Портпаролот на хотелот изјави дека иако во несреќата не настрадал ниту еден гостин, најмалку 12 луѓе од персоналот се здобиле со полесни повреди.
