Путин оствари средба со сирискиот министер за надворешни работиСочи, 26 ноември 2014 (МИА) - Рускиот претседател Владимир Путин денеска во Сочи разговараше со сирискиот министер за надворешни работи Валид Муалем, изјави портпаролот на Кремљ, Дмитриј Песков.
Според Песков, средбата се одржала зад затворени врати, а на неа биле разгледани односите меѓу двете земји.
Дводневната посета на Муалем на Русија, која е клучен сојузник на сирискиот претседател Башар ал Асад, е уште еден чекор во дипломатските напори на Москва да ги обнови мировните преговори за решавање на кризата во Сирија.
Предвидено е шефот на сириската дипломатија да оствари средба и со рускиот колега Сергеј Лавров.
|