Пекинг, 27 ноември 2014 (МИА) - Најмалку 11 рудари загинаа во експлозија што се случила во рудникот за јаглен Сонглин, на југот на Кина, соопштија денеска кинеските медиуми.
Експлозијата се случила рано утринава во југозападната провинција Гуејџоу, додека 19 рудари работеле во рудникот, јави Ксинхуа.
Несреќата ја преживеале осуммина рудари, а како што информираат кинеските медиуми, во тек се акцијата на спасување и истрагата за причините за екплозијата.
Несреќата се случи еден ден по пожарот во рудникот за јаглен во кинеската провинција Лиаонинг, на североисток од земјата, во кој настрадаа 26 рудари, додека 52 беа повредени.
Минатата година во Кина беа регистрирани 589 инциденти во рудниците и во нив, според официјални податоци, погинаа или беа исчезнати 1.049 лица.