Багдад, 19 декември 2014 (МИА) - Најмалку 11 лица загинаа, а десетици се повредени во серија бомбашки напади во ирачкиот главен град Багдад
Една од бомбите експлодира на пазар во северниот дел од градот, при што четири лица загинаа, а деветмина се повредени.
Друг напад се случи на фрекфентна улица во источниот дел на Багдад, во кој се убиени две лица, а осум се повредени.
Во центарот на Багдад експлозивна направа избувна во сервис за автомобили и усмрти две лица.
Четвртата бомба експлодира во индустриска зона во западниот дел од ирачкиот главен град. Во инцидентот животот го загубија три лица и седуммина беа повредени.