САД повикаа на внимателност кај нивните граѓани кои ќе патуваат за време на празницитеВашингтон, 20 декември 2014 (МИА) - Американските власти ги повикаа своите граѓани да бидат внимателни на патувањата ширум светот за време на претстојните празници, особено по заложничката криза која се случи оваа недела во Австралја и во која загинаа две лица и киднаперот.
- Заложничката криза во Сиднеј, во Австралија, која резултираше со смрт на двајца заложници, служи како потсетник дека граѓаните на САД треба да бидат исклучително внимателни и да преземат соодветни чекори за да ја зајакнат сопствената безбедност, соопшти Стејт департментот.
Во соопштението се наведува дека анализата на нападите во последно време „силно укажува“ на тоа дека за време на претстојните празници терористите ќе се фокусираат не само на зградите на американската администрација во светот, туку и на хотели, трговски центри, цркви и други верски установи и училишта.
|