Во антитерористички операции во Авганистан убиени повеќе од 200 талибанци

 

Кабул, 20 декември 2014 (МИА) - Повеќе од 200 талибански борци се ликвидирани за два дена во антитерористичките операции во Авганистан. Во борбите загинаа и шест авганистански војници и тројца цивили, соопшти авганистанското Министерство за одбрана.

Според полицијата најжестоки борби имало во провинцијата Конар. Полициските сили откриле и елиминирале 62 талибански борци. Армијата ослободила значителен број на заробеници.

Авганистаниските безбедносни сили спровеле акции и во провинциите Хелманд, Пактија, Хост, Урузган, Балх, Џузџан и Сари Пул. Тие зазеле магацини со оружје, а деминерите уништиле 26 бомби поставени на клучни маршрути.

Во последните 24 часа талибанците нападнапе позиции на безбедносните сили, а рекетирале и цели во провинцијата Лагман при што загина еден маж, а шестмина се повредени.