„Сони пикчарс“ сепак ќе го прикаже филмот „Убиствено интервју“Вашингтон, 22 декември 2014 (МИА) - Американската филмска компанија „Сони пикчрс“ сепак ќе го емитува филмот „Убиствено интервју“ за убиството на севернокорејскиот лидер Ким Јонг-ун.
- „Сони пикчрс“ само ја одложи премиерата на филмот. Кибер нападот врз компанијата е проблем на националната безбедност на САД, а не на „Сони пикчарс“ , изјави адвокатот на коорпорацијата Дејвид Бојез.
При кибер нападот врз „Сони пикчрс“ беа украдени се уште неиздадени филмови, сценариото на новиот филм за Џејмс Бонд и личната коресподенција меѓу првите луѓе на компанијата, но хакерите поставија и соопштение со закани дека ако се прикаже филмот ќе бидат извршени терористички напади.
Премиерата на филмот „Убиствено интервју“ првично беше закажана на 25 декември.
Извршниот директор и претседател на „Сони пикчарс“ , Мајкл Линтан изјави дека „Убиствено интервју“ е повлечен откако киносалите почнале да откажуваат да го прикажат филмот.
|