Предупредувања за полицијата во САД по убиствата на двајца полициски службеници

Њујорк, 22 декември 2014 (МИА) - Полициските управи во големите градови во САД и раководствата на синдикатите на полициските службеници ги предупредија своите колеги да носат заштитни елеци и да избегнуваат објавување провоцирачки соопштенија на социјалните мрежи.

Овие инструкции се дадени откако маж уби од заседа двајца полицајци во нивното патролно возило.

Напаѓачот Исмаил Бринсли е црномурест Американец, а загинатите припадници на њујоршката полиција се од јужноамериканско и азиско потекло. Истражните органи се обидуваат да утврдат дали Бринсли учествувал во некои од серијата протести ширум САД поради убиствата на Афроамериканците Мајкл Браун и Ерик Гарнер.

По убиствата на двајцата полицајци, синдикалната организација ги предупреди во соопштение полициските службеници да бидат внимателни и да не вршат непотребни апсења, да работат во група од по три лица, да носат заштитни елеци и да се во целосна готовност поради она што се случува околу нив.