Њујорк, 27 јануари 2015 (МИА) - Федералниот суд во Њујорк покрена обвинение против тројца Руси поради шпионажа, соопштија денеска американските власти.
Тројцата обвинети се товарат дека разговарале во шифри, пренесувале пораки скриени во чанти и списанија и се обидувале да регрутираат луѓе од њујоршкиот универзитет, соопштија американскиот министер за правда Ерик Холдер, американскиот обвинител Прит Барара и претставници на ФБИ.
Еден од обинетите Јевгениј Бурјаков бил вработен во филијала на руска банка на Менхетен, а другите двајца Игор Спорјушев и Виктор Подобњи биле дипломати од понизок ранг.
Портпаролот на руската мисија во Обединетите нации, Алексеј Зајцев изјави дека дека руската страна засега нема никаков коментар.
- Овој случај ја покажува нашата цврста определност да се бориме против обидите на тајните агнети незаконски да собираат разузнавачки податоци и да регрутираат шпиони во САД, нагласи Холдер во соопштение.
Во обвинението се наведува дека руските власти барале од обвинетите да собираат чувствителни економски разузнавачки податоци за евентуалните американски санкции против руските банки и напорите на САД да развиваат алтернативни извори на енергија.