Ријад, 30 јануари 2015 (МИА) - Новиот саудиски крал Салман најави голема реконструкција на Владата и ги смени од досегашните должности двајца синови на неговиот неодамна починат брат и претходник кралот Абдулах.
Кралот Салман бин Абдул Азиз ал Сауд издаде кралски декрет со кој од должноста е разршен шефот на разузнавачката служба принцот Халид бин Бандар бин Абдул Азиз ал Сауд.
Во посебен декрет стои дека принцот Бандар бин Султан, внук на Абдулах е сменет од местото генерален секретар на Националниот совет за безбедност и функцијата кралски советник.
Исто така сменети се и двајца синови на претходниот монарх, принцот Мишал, гувернер на областа Мека и принцот Турки, кој управуваше со престолнината Ријад.
Смените доаѓаат една недела откако Салман седна на престолот по смртта на кралот Абдулах (90).